இனிய புத்தாண்டு நல்வாழ்த்துக்கள்!

கடவுளை பிரார்த்தனை செய்து இந்த ஆண்டைத் துவங்குவோமா?

இரண்டாயிரமும் பத்தும் கடந்தாலும்

ஆசைகள் அடங்க வேண்டுமல்லவோ!

எம்மதமும் சம்மதம் என்றாலும்

வன்முறை ஒடுங்க வேண்டுமல்லவோ!

தொழிலும் விரைவும் பெருகினாலும்

புவியன்னை குளிர்ந்திட வேண்டுமல்லவோ!

இவையாவும் செவ்வனே நிறைவேற

இறைவா உன்னருள் வேண்டுமல்லவோ!

சித்திரைத் திருநாள் வாழ்த்துக்கள்

உங்க எல்லாருக்கும் என் இனிய சித்திரைத் திருநாள் நல்வாழ்த்துக்கள்.

தமிழ் குடும்பங்கள் இந்த நாளை எப்படி கொண்டாடுறாங்க தெரியுமா? பெண்கள் விடியற்காலையில் எழுந்து எண்ணை தேய்த்து தலைகுளித்து விஷு கனி வைக்கிறார்கள். ஒரு இலையில் முக்கனிகள், அரிசி, பருப்பு, வெல்லம் வைத்து கடவுளைக் கும்பிடுகிறார்கள். சாதம், வடை, பாயசம், அவியல், அப்பளம், கிழங்கு, சாம்பார், மணமணக்கும் ரசம், மாங்காய் பச்சடி எல்லாம் செய்து சுடச்சுட பரிமாறுவார்கள்.

பஞ்சாங்க முறைப்படி இந்த வருடத்தின் பெயர் "விக்ருதி" வருடம். புத்தாண்டு என்பதால் சிலர் கோவிலில் நடக்கும் சிறப்பு பூஜைகளில் பங்கேற்பார்கள். இந்த வருடம் கடைபிடிக்க சபதம் எடுப்பார்கள்.

சிலர் டி.வி யில் புத்தாண்டு நிகழ்சிகளை பார்த்தபடியே இருப்பார்கள். டீன் ஏஜ் பையன்கள் திரையரங்குகளுக்குச் சென்று புதிதாய் வெளிவந்த படங்களை நண்பர்களுடன் பார்ப்பார்கள்.

இப்படி பல பேர் பல விதமாக் கொண்டாடுறாங்க. அதனால நான் இப்ப என்ன சொல்ல வரேன்னா... நீங்களும் உங்க இஷ்டப்படி எப்படி வேணும்னாலும் கொண்டாடலாம்!

பிடிக்கலியா? பிடிக்க வெச்சுருவோம்ல!

சமீபத்தில் நடந்த "self-growth" பற்றிய நிகழ்ச்சி ஒன்றில் சுவாமி தயானந்த சரஸ்வதி ஒரு அருமையான கதை கூறினார்.

கோவையில் ஒரு சாமியார் வசித்து வந்தார். ஒரு நாள் அவருக்கு பிக்ஷை அளிக்க செல்வந்தர் ஒருவர் அழைப்பு விடுத்தார். சாமியாரும் அழைப்பை ஏற்றுக்கொண்டு செல்வந்தர் வீட்டிற்குச் சென்றார். செல்வந்தரின் மனைவி சுவாமிஜியை நன்கு உபசரித்து பல விதமான உணவு வகைகளை இலையில் பரிமாறினர். அதில் பாகற்காயும் இடம்பெற்று இருந்தது. ஆனால் சாமியாருக்கோ பாகற்காய் என்றாலே அலர்ஜி! பிக்ஷைக்குச் சென்றிருந்ததால் வேண்டாம் என்று சொல்லவும் முடியவில்லை. அதனால் வேறு வழி இன்றி இலையில் வைத்த அடுத்த கணமே மூக்கை முடிக்கொண்டு பாகற்காய் பொரியலை ஒரே வாயில் முழுங்கி விட்டார்!

ஆனால் அந்த வீட்டுப் பெண்மணியோ இதை தவறாகப் புரிந்து கொண்டாள். சாமி பொரியலை ரொம்பவே ருசித்து சாபிடுகிறார் என்று நினைத்து மீண்டும் ஒரு கரண்டி இலையில் வைத்தார்! மறுபடியும் அவர் அதை முழுங்க... திரும்பவும் அவள் அதைப் பரிமாற... மறுபடியும் முழுங்க... திரும்பவும் பரிமாற.... ஒரு வழியாக உணவை முடித்துக் கிளம்பிபார் சாமியார்.

சில நாட்களுக்குப் பின் சென்னையில் வேறு ஒருவர் வீட்டிற்குச் சென்றார் சாமியார். பெண்களிடம் ரகசியம் சொன்னால் தங்குமா? அது கோவை செல்வந்தரின் உறவினர் வீடு என்பதால் அங்கேயும் சாமிக்குப் பாகற்காய் பிடிக்கும் என்ற செய்தி சென்றுவிட்டது. கலிபோர்நியா, நியூயார்க் எங்கே சென்றாலும் பாகற்காய் பாகற்காய்!

இப்படியாக சாமியார் எங்கே சென்றாலும் பாகற்காய் காத்துக்கொண்டிருந்தது!தினமும் அதையே சாப்பிட நேர்ந்ததால் அவருக்கு சுத்தமாகப் பிடிக்காத பாகற்காய் ரொம்பவே பிடிததாகிப் போனது!

இந்தக் கதை மூலம் தயானந்த சரஸ்வதி நமக்கு கூறுவது என்னவென்றால் நமக்குப் பிடிக்காத காரியத்தை பல்லைக் கடித்துக் கொண்டு தினமும் செய்தால் சில நாட்களில் அது நமக்குப் பிடித்துப் போகும். இது படிப்பு, வேலை எல்லாவற்றிற்கும் பொருந்தும் நியதி ஆகும்.

சப்பாத்தி சப்பாத்தி...

புதுசு புதுசா ரேசிபிஸ் செஞ்சு பார்கிறது ஒரு பொழுது போக்கு தான். ஆனால் நாம் வீட்டில் அடிக்கடி செய்யும் ஒரு டிஷ் கொஞ்சம் வித்யாசமா ட்ரை பண்ணுறதும் ஒரு நல்ல பொழுது போக்கு தானே?

அடிக்கடி செய்யுற சப்பாதியயே கொஞ்சம் வித்யாசமா அதே சமயம் ஈசியா செஞ்சு பார்போமா? இதோ மசாலா சப்பாத்தி செய்யலாம் வாங்க.

தேவையான பொருட்கள்:

சப்பாத்தி செய்யத் தேவையான அனைத்தையும் எடுத்துக் கொள்ளுங்கள்.

அதை தவிர ஓமப் பொடி கொஞ்சம்.

செய்முறை:

சப்பாத்தி மாவு பிசையும் போது அதனுடன் சிறிதளவு ஓமப் பொடியையும் சேர்த்து பிசையுங்கள். பின்பு சப்பாத்திகள் இட்டு கல்லில் வாட்டி எடுங்கள். அவ்வளவுதான்! எவ்வளவு சுலபமாக வேலை முடிந்தது பார்த்தீர்கள?

மாவு பிசையும் போது காரட், முட்டைகோஸ் போன்ற காய்கறிகளை பச்சையாக துருவி சேர்த்துக் கொண்டால் வெஜிடபிள் மசாலா சப்பாத்தி ரெடி!

இதற்கு தொட்டுக் கொள்ள நீங்கள் எதுவும் செய்ய வேண்டியது இல்லை. மேதி சப்பாத்தி போல் அப்படியே சாப்பிட்டு விடலாம். வேண்டும் என்றால் தக்காளி சாஸ் அல்லது கெச்சப் சேர்த்துக் கொள்ளலாம்.

நீங்களும் ஐஸ்வர்யா ராய் ஆகணுமா?

"அழகு"

இது எல்லாப் பெண்களும் வேணும் என்று நினைக்கிற ஒன்று. அழகாக எதனை வழிகள் இருக்கு? தெருவுக்குத் தெரு ப்யூடி பார்லர்கள் வந்தாச்சு. டி.வி ல அழகு சாதனப் பொருட்கள் பத்தி நிறைய சொல்றாங்க. ஆனால் இதுல எல்லாம் எவ்வளவு கெமிக்கல்ஸ் கலக்கராங்கனு நம்ம எல்லாருக்கும் தெரியும். இயற்கை மூலிகைகள் எப்படியெல்லாம் அழகு சாதனப் பொருளா உபயோகம் ஆகுதுன்னு பார்ப்போம்.

ஆலிவ் ஆயில் :

எப்படித் தயாரிக்கிறார்கள்?

ஆலிவ் மரத்தின் பழங்களை இலைகளில் இருந்து பிரிக்கிறார்கள்.

பழங்களை mechanical machines மூலம் நன்றாக crush செய்து அதில் இருந்து எண்ணை எடுக்கிறர்ர்கள்.

ஆலிவ் தவிர வேறு பொருட்கள் எண்ணையில் கலந்திருந்தால் அதன் essence குறைந்து விடும்.

அதனால் கடைசியாக "purification process" செய்கிறார்கள்.

என்ன பலன்?

1) கண்களுக்கு அடியில் கருவளையங்கள் இருப்பவர்கள் தினமும் இரவு தூங்கும் முன் கண்களுக்கு அடியில் லேசாக ஆலிவ் ஆயில் தடவிக் கொண்டால் ஒன்று அல்லது இரண்டு மாதங்களில் கருவளையங்கள் மறைந்து விடும்.

2) உடம்பில் சூடு பட்டு விட்டால் அந்த இடத்தில ஒரு mark வந்துவிடும். இதை நீக்க ஆலிவ் ஆயில் தடவலாம்.

3) உடம்பில் எந்த பகுதியில் கரும்புள்ளி ஏற்பட்டாலும் அதை ஆலிவ் ஆயில் உடனே நீக்கி விடும்.

4) சமையல் செய்வதற்கும் இதை உபயோகிக்கலாம்.

அடுத்தப் பதிப்பில் வேறு ஒரு மூலிகைப் பொருளை பத்தி எழுதுகிறேன்.

ஆலிவ் ஆயில் பற்றி மேலும் தெரிந்து கொள்ள கீழ்கண்ட வலை முகவரிக்குச் செல்லுங்கள்.

http://www.springerlink.com/content/6867314231538056/

http://www.eat-online.net/english/education/olive_oil/how_is_produced.htm

இவங்க எல்லாம் எப்ப தான் திருந்துவாங்களோ?

"Global warming"  பத்தி நம்ம எல்லாருக்கும் தெரியும். நிறைய awarness programmes கூட இருக்கு. ஆனாலும் மக்கள் ஏன் இப்படி எல்லாம் நடந்துக்குறாங்க? எப்படின்னு கேக்கறீங்களா? 

"வீட்டுக்கு ஒரு மரம் வளர்ப்போம்" அப்படின்னு அரசாங்கம் சொல்லுது. சரி அவங்க சொல்லுக்கு மதிப்பு கொடுக்கலாம்னு ஒண்ணுக்கு பதில் நாலு தென்னைமரம் வளர்த்தேன். ஆசை ஆசையா வளர்த்த மரத்தில் இருந்து பின் வீட்டுக்குள் குப்பை விழுதாம். மரத்தை வெட்டச் சொல்லி பின் வீட்டுக்காரங்க ரொம்ப நாள் தொந்தரவு கொடுத்தாங்க. வேற வழி இல்லாமல் போனா போகுதேன்னு ஒரு மரத்தை வெட்டினோம்.  

ஒரு நாள் மதியானம் ரெண்டு மணி இருக்கும். அசந்து தூங்கிட்டு இருந்தேன். டர்ர்ருனு காலிங் பெல் சத்தம். நாலு பேர் வந்தாங்க. இ.பி ல வேலை பார்க்குறதா சொன்னாங்க.  மின்வெட்டுக் கம்பத்துக்கு இடைஞ்சலாய் இருக்குதுன்னு சொல்லி ரெண்டாவது மரத்தையும் வெட்ட வெச்சுட்டாங்க!

சரி.... இருக்குற ரெண்டு மரத்தை பாத்து சந்தோஷப் படலாம். போனதை நெனைச்சு வருத்தப் பட வேண்டாம்னு விட்டுட்டேன். 

கொஞ்ச நாள் கழிச்சு மறுபடியும் பக்கத்துக்கு வீட்டுக்காரங்களால பிரச்சனை.  மாடி கட்ட போறோம். மரத்தை வெட்டுங்கன்னு சொன்னாங்க. நாங்க முடியவே முடியாதுன்னு எவ்வளவோ சண்டை போட்டு பாத்தோம். ம்ம்ம்ஹ்ம்ம்...... எந்தப் பலனும் இல்ல. மூணாவதும்  போச்சு!

கடைசியில இப்போ ஒண்ணே ஒண்ணு கண்ணே கண்ணுன்னு ஒண்ணு மட்டும் மிச்சம் இருக்கு. இதுலயும் யார் கண்ணு படப் போகுதோ?!!

சரி..  இப்போ மேட்டருக்கு வருவோம்.

அவங்க தான் மரம் வளர்க்கல. என்னை போல ஆசையா வளப்பவங்களையாவது செய்ய விடலாமே. ஏன் இப்படி இருக்காங்க?  இவங்களுக்கு சமுதாய அக்கறை எப்பத்தான் வருமோ? எனக்கு ரொம்ப கவலையாய் இருக்கு. 

இவங்க எல்லாம் எப்பத் தான் திருந்துவாங்களோ?

சொர்கவாசல்!!!

"Gateway to the land of Gods"

இந்த வரிக்குள் எத்தனை  அர்த்தங்கள் பொதிந்திருக்கின்றன. 

இயற்கை எழில் கொஞ்சும் இமாலயம், கங்கோத்ரி, கங்கை நீரின் சலசலப்பு, ஆஸ்ரமம்,  தியான மண்டபம் .இவை எல்லாம் இருக்கும் இடம் கடவுளின் புகலிடம். அது சொர்கத்திர்க்குச் செல்லும் பாதை.

"ரிஷி' என்றால் "புலன்கள்".

"இஷ் " என்றால் "வல்லமை படைத்தவன்".

"ரிஷிகேஷ்" - தன் புலன்களை ஆளக்குடியா வல்லமை படைத்தவன். 

இந்தியாவின் உத்ராஞ்சல் மாநிலத்தில் கங்கோத்ரிக் கரையில் அமைந்திருக்கும் ஓர் அழகான நகரம்.  இந்தியாவின் மிகப் புனிதமான நதியாகக் கருதப்படும் கங்கை, கைலாச மலையில் தோன்றி ரிஷிகேஷ் என்கிற இடத்தில் தான் தரையைத் தொடுகின்றது. கங்கையில் நீராற்றினால் பாவங்கள் தீர்ந்து விடும் என்பார்கள்.  மாசற்ற கங்கை நீரின் புனிதத்தை இங்கு உணரலாம்.

"லக்ஷ்மன் ஜூலா" - இது கங்கையின் மேல் இருக்கும் ஒரு ஊஞ்சல் பாலம். 

 ரிஷிகேஷ் நகரத்தைச்  சுற்றிப் பார்க்க இந்திய சுற்றுலா கழகம் போதிய வசதிகளை அமைத்துள்ளது. 

வருடம் முழுவதும் மிதமான வெப்பம் கொண்ட ரிஷிகேஷிற்கு மேலும் அழகு சேர்ப்பது அங்கு அமைந்துள்ள "ஆர்ஷ வித்யா குருகுலம்". சுவாமி தயானந்தாவால் நிறுவப்பட்ட இந்த ஆஸ்ரமம் வேதம், சமஸ்க்ரிதம் கற்றுக் கொள்ள உகந்த இடம். 

கங்கா ஸ்நானம், மண்டபத்தில் தியானம்.... என் எட்டாவது வயதில், அறியாத பருவத்தில் இரண்டு நாட்கள் ஆஷ்ரமத்தில் கழித்த நினைவுகள் இன்னும் மனதில் கங்கையின் வெள்ளி நீர் போல ஓடிக்கொண்டு இருக்கின்றது. வாழ்க்கையில் ஒருவன் அனுபவிக்க வேண்டிய சந்தோஷங்களில் இதுவும் ஒன்று. இறைவன் அருளிய இந்த அருமையான இடத்தை ஒரு முறையாவது பார்க்காவிட்டால் வாழ்நாளில் ஏதோ ஒன்றை நிச்சயம் நீங்கள் இழக்கிறீர்கள். 

 

பி.கு - ரிஷிகேஷ் ஆஷ்ரமத்தில் சுற்றுலா பயணிகளுக்கு அனுமதி இல்லை. ஆஷ்ரமம்  செல்ல முன்பதிவு செய்திருக்க வேண்டும்.

கல்லூரி!!!

வண்ணத்துப் பூச்சிகளாய் வட்டமிட்டு மகிழ்ந்தாலும்

திண்ணமதாய் வாழ்வியலில் வழிகாட்டும் காலமதே

கல்லூரி வாழ்க்கையது கவின் சார்ந்த ஆசான்கள்

பல்வேறு செயர்கல்வி சார்ந்த ஒரு நேரமதே!

எண் திசையைச் சேர்ந்தோரும் பல்வேறு நிலந்தோறும்

வந்திறமை பெற்றிடவே கல்லூரி கடல் சார்ந்து

நினைவெல்லாம் பசுமையதாய் பறவைகளாய்ப் பறந்தோடி

கனவுகளாய் கண்டவை தாம் நினைவாக்கும் இடமன்றோ!

இசையோடு நடிப்பும் எழ்த்தோடு பேச்சும்

அசைவால் பலர்போல் சுட்டும் திறனும்

அறிவுத் திறமை போட்டிகளில் பங்கேற்று

பெரிதாய் கல்லூரி மேடைகள் பல கண்டு

பரிசோடு பெருமை புகழ் மொழி அனைத்தும்

செறிவாய்க் கொடுக்கும் கல்லூரி வாழ்க்கை!

நாங்களும் டி.ஆர் வாரிசு தான்!!!

நீ பொறந்தது ஒரு பட்டி

அங்க இருந்தது குப்ப தொட்டி;

நீ வளர்ந்தது ஒரு சிட்டி

உன்ன சுத்தி இருந்தவங்க எல்லாம் வெட்டி;

உன் கூட இருக்குறாங்க பாட்டி

அவங்களோட உனக்கு போட்டி;

உன் பர்சு கொஞ்சம் குட்டி

நீ ஒரு சுட்டி;

ஹேய் ஸ்வீட்டி

நீ ரொம்ப ப்யூட்டி;

இதோ பாருங்க இந்தியா!!!

இந்த படத்தைப் பாருங்க. இது தான் இந்தியா.

"என்னடா இது? ஒரு பூனையைப் பார்த்து இந்தியானு சொல்றாளே!!! என்ன அநியாயம்டா சாமி!!!" அப்படினுதான யோசிக்கிறீங்க?

உண்மை தாங்க. ஆனால் சாதாரண இந்தியா இல்ல. "வைட் ஹௌஸ்" ல வளருகிற இந்தியா. அமெரிக்க ஜனாதிபதி ஜார்ஜ் புஷ் வளர்த்துட்டு வர பூனை தான் இது. ஜார்ஜ் புஷ் தன் செல்லப் பூனைக்கு "இந்தியா"னு பேர் வெச்சிருக்கார்.

வருத்தமா இருக்கு இல்லையா?ஆனால் எனக்கு அத விட பெரிய வருத்தம்.

ஏன் தெரியுமா?

அந்த இந்தியா இப்ப வைட் ஹௌச விட்டு போகப் போகுது!!!

இங்கிலீஷ் காரரசே...

மஹா கவி பாரதியார் பத்தி நம்ம எல்லாருக்கும் தெரியும். இந்திய விடுதலைக்காக நிறைய பாடல்களை பாடிருக்கார். மத்த மொழிகளிலும் நிறைய பேர் விடுதலை பத்தி பாடிருக்காங்க. நம்ம நாட்டுல நாம் விடுதலை பெற்ற அந்த கால கட்டத்துல தான் "western culture" பரவ ஆரம்பம் ஆச்சுன்னு சொல்றாங்க.இன்னிக்கு புடவை, தாவணி எல்லாம் போய் ஜீன்ஸ், அனார்கலி , ஹேர் ஸ்த்ரைதநிந்க் தான் லேட்டஸ்ட் ட்ரெண்டு.

விடுதலை பத்தின பாடல்கள் எல்லாருக்கும் போய்ச் சேர்த்தாலும் அந்த நாட்களில் எழுதப்பட்ட பேஷன், வாழ்க்கை முறை பத்தின பாடல்கள் யாருக்கும் ரீச் ஆகல என்பதுதான் என்னோட கருத்து. இப்ப இந்தப் பாடலை படிச்சுப் பாருங்க. (நீங்க பாடகரா இருந்தா நீங்களே இதுக்கு மெட்டு கட்டி பாடியும் பாக்கலாம்)


இங்கிலீஷ் காரரசே இந்தியா வர வர சொகுசே
இங்கிலீஷ் காரரசே இந்தியா வர வர சொகுசே

குங்குமம் மஞ்சளும் போச்சு கோரிவைர் காலமாச்சு
சீமாட்டி முகம் தனிலே ரோஸ் பவ்டர் போடலாச்சு; (இங்கிலீஷ்)

விபூதி நாமம் போச்சு விதவிதமான பொட்டுகள் ஆச்சு
கனவான்கள் முகத்தினிலே கருப்பு சிவப்பு பொட்டுகள் ஆச்சு; (இங்கிலீஷ்)

பனை ஓலை எழுத்தாணி பாரினிலே பறந்து போச்சு
கனவான்கள் கணக்கெழுத பௌன்டன் பேனா பேப்பர் ஆச்சு; (இங்கிலீஷ்)

ஒரு காசு பீடியும் போச்சு சுகந்தர் பெட்டி சுருட்டும் போச்சு
அறியாத பசங்க வாயில் ஆனை மார்க் சிகரட் ஆச்சு; (இங்கிலீஷ்)

வீட்டுக்கொரு சைக்கில் ஆச்சு விதவிதமான மோட்டார் ஆச்சு
மாட்டு வண்டி பிழைப்பும் போச்சு ஜட்கா வண்டி அதிகமாச்சு; (இங்கிலீஷ்)

காலிலிடும் பீலி மெட்டி கட்டோட பறந்து போச்சு
சீமாட்டி கால் தனிலே ஸ்லிப்பெர் ஜோடா போடலாச்சு; (இங்கிலீஷ்)

களப்புக் கடை அதிகமாச்சு குடிப் பெண்கள் மெம்பராக
ஆயிரக் கணக்காக அதிகம் அதிகம் ஸேரலாக்சு; (இங்கிலீஷ்)

சீட்டித் துணி பறந்து போச்சு சில்க் புடவை அதிகமாச்சு
நாடகங்கள் பெருத்து போச்சு நாகரீகம் மாறிப் போச்சு; (இங்கிலீஷ்)


இந்த பாட்டோட அர்த்தம் நமக்கு நல்லாவே புரியுது பாருங்க. இதுல தமிழ்ப் புலமை ஒன்னும் பெருசா இல்லங்க. கிராமத்து பாட்டு போல கொச்சைத் தமிழ்ல தான் எழுதி இருக்காங்க. 1950 க்களில் மக்கள் இந்த மாதிரித்தான் இருந்திருக்காங்கன்னு ஒரு நகைச்சுவையும் சேர்த்து எவ்வளவு அழகா சொல்லிருக்காங்க!!! இந்தப் பாட்டை எழுதினது யாருன்னு தெரியல. ஆனா யாரா இருந்தாலும் அவங்களுக்கு "hats off". இது மாதிரியான பாடல்களை பாமர மக்களுக்கும் கொண்டு போய்ச் சேர்ப்பது தமிழ்க் குடிமகன்களான நம்மோட கடமை இல்லையா?

இந்தப் பாட்ட என் பாட்டி பாடி நான் கேட்டிருக்கேன். இதை நான் எழுதும்போது பாட்டி என் கூட இருந்திருந்தால் எவ்வளவு சந்தோஷப் பட்டிருப்பாங்க!!! ஆனா அவங்க இப்ப இல்லைங்க. அதனால இந்த போஸ்ட் தெய்வமா இருக்குற என் பாட்டிக்குச் சமர்ப்பணம்.

தீபாவளி தீபாவளி வந்தாச்சு...

என்னங்க..... தீபாவளி வந்தாச்சு. தீபாவளி ஸ்வீட் எல்லாம் பண்ணி முடிச்சிட்டீங்களா? நான் தீபாவளி ஸ்பெஷல் ரெசிபி ஒன்னு சொல்லட்டுமா?


என்னடா இது... டி.வி ல வர எல்லா சமையல் ப்ரொக்ராம்லயும் இதை காட்டுறாங்களே மறுபடியும் ஸ்வீட் ரேசிபியானு யோசிக்கிறீங்களா? இது ஸ்வீட் ரெசிபி இல்லைங்க. நம்ம பாரம்பர்யத்தை காபாத்தற ஒரு விஷயம். புரியலியா? சரி சரி.... புரியும்படி சொல்றேன். இப்ப நான் தீபாவளி லேகியம் எப்படி செய்யறதுன்னு சொல்லித் தரேன்.


தேவையான பொருட்கள்:
சுக்கு- 10 கி
மிளகு- 10 கி
ஓமம்- 100 கி
கந்தாடிப்பில்லி- 10 கி
சித்தரத்தை- 10 கி
ஏலைக்காய்- 5 கி
ஜாதிக்காய்- 1/2
அதிமதுரம்- 10 கி
வெல்லம்- 250 கி
தேன்- 50 கி
நெய்- 100 கி

செய்முறை:
மேலே சொன்ன எல்லாவற்றையும் தனித்தனியா (நெய்யும் தேனையும் தவிர) பொடி பண்ணிகோங்க. அதுல கொஞ்சம் தண்ணி விட்டு பத்து இல்ல பதினஞ்சு நிமிஷத்துக்கு ஊர வச்சுடுங்க. இந்தப் பொடிகளை எல்லாம் ஒரு பாத்திரத்துல கொட்டி ஒரு கரண்டிய வச்சு நல்லா கலந்துக்கோங்க. மறுபடியும் தண்ணீர் விட்டு அடுப்புல மிதமான சூடுல வச்சு கிளருங்க. தண்ணீர் எல்லாம் வடிஞ்சப்பரம் பாத்திரத்தை அடுப்புல இருந்து இறக்கிடுங்க. நெய்யை நல்லா சூடு பண்ணி வச்சுகோங்க. சூடான நெய்யையும் தேனையும் நம்ம கலந்து வச்ச கலவைல கொட்டிடுங்க. மறுபடியும் எல்லாத்தையும் சேத்து நல்லா மிக்ஸ் பண்ணுங்க. லேகியத்தோட பதம் வரவரைக்கும் அடுப்புல வச்சு கிளருங்க.
தீபாவளி லேக்கியம் ரெடி!

சரி லேக்கியம் ரெடி. இதை எப்படி எப்போ சாப்பிடனும்னு நீங்க யோசிக்கிறது எனக்கு புரியுது. காலைல எழுந்ததும் எண்ணை வெச்சு தலைக்கு குளிச்சதும் வெறும் வயத்துல ஒரு ஸ்பூன் லேகியத்தை வீட்டுல இருக்குற பெரியவங்க கையால வாங்கி சாபிடனும்.

தீபாவளி அன்னிக்கு நாம நெறைய ஸ்வீட் சாப்பிடுவோம் இல்லையா? அதனால இண்டைஜெஷன் ஏற்படலாம். அதை தடுக்கத்தான் இந்த லேகியத்தை சாப்பிடுறோம்.

"ப்ரிவென்ஷன் இஸ் பெட்டெர் தான் க்யூர்" !!!

ஜக்கு மாமி (1)

ஜக்கு மாமியின் சாக்லேட் பர்பி:

"என்ன மாமி? யாருக்கு மெயில் அனுப்பிண்டு இருக்கேள்?", என்று கேட்டபடியே வீட்டுக்குள் நுழைந்தாள் பங்கஜம் மாமி.

"அது ஒன்னும் இல்லடிமா. அமெரிகால இருக்குற என் பொண்ணு ரம்யாக்கு ஒரு ரெசிபி அனுபிருந்தேன். இப்போ மாபிள்ளை கிட்ட இருந்து ரிப்ளை வந்திருக்கு. பொண்ணுக்கு இவ்வளவு நன்னா சமைக்க கத்து கொடுத்ததுக்கு என்னை பாராட்டி தான் இந்த மெயில அனுப்பி இருப்பர்னு நினைக்கிறேன்".

"என்ன திடீர்னு பொண்ணுக்கு ரெசிபி எல்லாம்?", திகைத்தபடி கேட்டாள் பங்கஜம் மாமி.

"அதுவா? அவா ஆபிஸ்ல புதுசா கல்யாணம் ஆயிருக்கற கப்ல்ஸ் எட்டு பேர் சேர்ந்து நயாகரா பால்சுக்கு போறத முடிவு பண்ணி இருந்தாளாம். ஒவ்வொருத்தரும் ஒவ்வொரு ஐடெம் கொண்டு வரதா ப்ளானாம். இவள் நான் ஸ்வீட் கொண்டு வரேன்னு சொன்னாளாம். என்கிட்டே கேட்டிருந்தா. நான் அவளுக்கு சாக்லட் பர்பி எப்படி பண்ணனும்னு ரெசிபி அனுப்சேன். அவ ஸ்வீட்டை பண்ணி கொடுத்து எல்லாரையும் அசத்தி இருப்பான்னு நினைக்கிறன்." என்று பெருமிதத்துடன் சொன்னாள் மாமி.

"நயாகராவா? அருமையான இடம் மாமி."

"ஆமாம். மிகப்பெரிய நீர்விழ்ச்சி. 176 அடி உயரம். அமெரிக்காவுக்கும் கனடா நாட்டுக்கும் நடுவுல இரண்டு நாடுகளையும் பிரிக்கிற பார்டரா அமைஞ்சிருக்கு. ரொம்ப அழகான டூரிஸ்ட் ஸ்பாட்."

"ம்ம்ம் ... நயாகராவும் சாக்லேட் பார்பியும் நல்ல காம்பினேஷன் தான் போங்கோ."

"மாமி, நானும் உங்க மாப்பிள்ளையோட பாராட்டு லெட்டரை பாக்கலாமா?", ஆவலுடன் கேட்டாள் பங்கஜம் மாமி.

"ஓஒ பேஷா பாரேன்", உரத்த குரலில் ஜக்கு மாமி கூறினாள்.

kitchenqueen@gmail.com என்ற தன் முகவரியின் இன்பாக்ஸ் இல் இருந்த லேட்டஸ்ட் மெய்லை திறந்தாள் மாமி. மாப்பிள்ளை மெயிலை படிக்கத் தொடங்கினாள்.

"ஹாய் மாமி,
எப்படி இருக்கேள்? இங்க நாங்க நாலு கப்ல்ஸ் சேர்ந்து நாயகராக்கு டூர் போயிருந்தோம். ரம்யா சொல்லி இருப்பாளே? இங்கே இயற்கை அழகு பிரமாதம். ஆனா ஒரு விஷயம் தன் கூத்தா போச்சு! எல்லாரும் மூக்கு பிடிக்க லன்ச் முடிச்சதும் ரமி தான் பண்ணின ஸ்வீட்டை எல்லாருக்கும் கொடுத்தா. என் ப்ரென்ட் அரவிந்த் அத வாயில வெச்சுண்டு கடிக்க முடியாம கடிச்சு..... அவனுக்கு பல் வலி வந்துடுத்து! அப்பறம் ரெண்டு கேள்ஸ் நெய் சரியில்லாததால அங்கேயே வாந்தி எடுத்துட்டா. ரமிக்கு வயிறு கொட கொடனு கொடைய ஆரம்பிடுசுத்து . அவசரத்துக்கு ரெண்டு மாத்திரையை போட்டுண்டு லபோ திபோன்னு அவசர அவசரமா கிளம்ப வேண்டியதா போயிடுத்து. அப்பறம் வீட்டுக்கு வந்து டாக்டர் அபாயின்மேன்ட் பிக்ஸ் பண்ணி... இன்னுமா சொல்லணும்? மாமி... இனிமேல் நீங்க ரமிக்கு எந்த ரெசிபியும் மெயில் பண்ணாதிங்கோ. ப்ளீஸ்... இனிமேல் இந்த மாதிரி ஸ்வீட் எல்லாம் பண்ணவே வேண்டாம்னுநு ரமி கிட்ட சொல்லிட்டேன்.
உங்க உடம்பை பாத்துக்கோங்கோ. மாமாவ கேட்டதா சொல்லுங்கோ.

வித் லவ்,
ராம். "

வாயை பொத்தியபடியே சிரித்தாள் பங்கஜம் மாமி.

இப்படியும் சிலர் !!!

சமீபத்தில் பத்திரிக்கை ஒன்றில் நான் படித்தது:

ராஜா முத்தையா செட்டியார் தன் அறுபதாம் வயது நிறைவு விழாவை 1941இல் கொண்டாடினார்.
பிராமணர்கள் 60 பேருக்கு மாடு, வீடு, வேட்டி, துண்டு தானம் செய்தார். பிராமணர் அல்லாதாரின் நலம் காக்கும் "ஜஸ்டிஸ்" கட்சியைச் சேர்ந்தவர் ராஜா முத்தையா செட்டியார். இவர் இப்படி பிராமணர்களுக்கு தானம் கொடுத்தது மூட நம்பிக்கை என்றும் சமுக விடுதலைக்கு எதிரான செயல் என்றும் காரசாரமாக ஒரு தலையங்கம் எழுதினார் அண்ணாதுரை.
அதை இ.வே.ரா.வின் "விடுதலை" பத்திரிகையில் வெளியிட முனைந்தார். இ.வே.ரா.வும் "கட்டாயம் எழுத வேண்டும், விடாதே", என்றார்.
காரணம் முத்தையா செட்டியார் தன் விடுதலை பத்திரிகைக்கு பணம் தரவில்லை என்ற கோபம் அவருக்கு.
அண்ணாதுரை எழுதிய தலையங்கம் அச்சு கோர்க்கப்பட்டு , அச்சு எந்திரதிலும் ஏறி விட்டது. அப்போது பார்த்து, முத்தையா செட்டியாரிடம் இருந்து அறுபதம் ஆண்டு விழா நினைவு பரிசாக இ.வே.ரா.,வுக்கு ஆயிரம் ரூபாய்க்கு செக் வந்து விட்டது.
உடனே அண்ணாதுரையை அழைத்து "அந்த தலையங்கத்தை அச்சிடதே" , என்றார் இ.வே.ரா. அண்ணாதுரை சம்மதிக்கவில்லை. "எழுதியது எழுதியதுதான்." என்றார். "சரி சரி. அதே கருத்தை நானே தலையங்கமாக எழுதி விடுகிறேன்...."என்று சொல்லி உப்பு சப்பில்லாமல், வழ வழா, கொழ கொழா என்று ஒரு தலையங்கத்தை எழுதி வெளியிட்டார் இ.வே.ரா.
காசுக்கு முன் கொள்கையாவது வெங்காயமாவது!!!